KËRKESË PËR SHPREHJE INTERESI QIRADHËNIE BRENDA AMBIENTEVE TË DPSHTRR-së PËR SUBJEKTET TË CILAT KANË SI OBJEKT SERVISIN E PAJISJEVE ELEKTRONIKE DHE AUTOMATIKE

KËRKESË PËR SHPREHJE INTERESI

QIRADHËNIE BRENDA AMBIENTEVE TË DPSHTRR-së PËR SUBJEKTET TË CILAT KANË SI OBJEKT SERVISIN E PAJISJEVE ELEKTRONIKE DHE AUTOMATIKE

Drejtoria e Përgjithshme e Shërbimeve të Transportit Rrugor (DPSHTRR) me qëllim ofrimin e një ambienti për ofrimin e shërbimeve të pijeve të ngrohta, pijeve të ftohta, snack dhe artikuj ushqimor për shkak të numrit të punonjësve, fluksit të punës, manaxhimin e ambienteve dhe të ardhurave të institucionit dhe në veçanti respektimin e rregullave të higjenës, fton subjektet të cilat kanë si objekt servisin e pajisjeve elektronike dhe automatike, nën vullnetin e tyre të lirë, të dorëzojnë kërkesat e tyre, shprehje interesi për marrje me qira të një ambienti brenda DPSHTRR-së me një sipërfaqe prej 3 m² për një periudhë 12 (dymbëdhjetë) mujore.

Theksojmë se qëllimi i këtij bashkëpunimi konsiston në:

• Ofrimin e shërbimit të vendosjes së makinetave automatike për punonjësit e DPSHTRR;
• Respektimin maksimal sipas të gjitha rregullave higjeno - sanitare gjatë ofrimit të shërbimit si dhe konsumimit të tij;
• Mirëmbajtjen e pajisjeve të makinetave.

Persona/subjektet janë të lutur të shprehin interesin nëpërmjet paraqitjes së dokumentacionit të mëposhtëm:

• Ofertën lidhur me çmimin e qirasë;
• Shkresë shërbimi me makineri automatike;
• Të dhënat e NIPT/NUIS;
• Të dhëna  për shlyerjen e detyrimeve tatimore dhe sigurimet shoqërore;
• Vërtetim që nuk janë në ndjekje penale si dhe nuk kanë procese gjyqësore në lidhje me aktivitetin që ushtrojnë;
• Certifikatë regjistrimi (statusi aktiv) + ekstrakt historik i rregjistrit tregtar;
• Çdo dokument tjetër që çmohet i nevojshëm nga ana e personave/subjekteve.

Mosparaqitja e njërit prej dokumentave të mësipërme, përbën kusht skualifikues.

Afati kohor për dorëzimin e kërkesës dhe dokumentacionit do të jetë nga data 04.03.2024 dhe do të ketë afat deri më datë 08.03.2024, për paraqitjen pranë institucionit të DPSHTRR-së të kërkesave dhe dokumentacionit.

Kërkesa për shprehje interesi dhe dokumentacioni duhet të dorëzohet me postë ose dorazi në Drejtorinë e Përgjithshme të Shërbimeve të Transportit Rrugor me adresë: Blv “ Gjergj Fishta” , Pall. Bjorn, Tiranë ose në adresën e e-mailit: dpshtrr@dpshtrr.gov.al.