Këndi i sigurisë rrugore ndaloi në një stacion shumë të veçantë në atë të “Shtëpisë së Foshnjes” në Durrës.

Dedikojmë pak nga koha jonë, për ata që kanë nevojë më së shumti për dashuri dhe mbështetje.

U argëtuam shumë duke ngjyrosur sinjalistikën rrugore dhe duke bërë xhiro me biçikletë sipas rregullave të qarkullimit!

Me shumë dashuri shpërndamë dhurata, veshje e ëmbëlsira të cilat ndezën zemrat e vogla dhe të çiltra. Fëmijët janë gëzimi i jetës, ata kanë nevojë për dashuri dhe të ndihen të sigurt për të ardhmen që i pret.

Falenderojmë stafin e Drejtorisë së Targave dhe Shtypshkrimeve për kontributin dhe Ekipin e Sigurisë Rrugore për angazhimin në këtë ditë kaq të rëndësishme për “Shtëpinë e Foshnjes”.