Siguria Rrugore

Dita Ndërkombëtare e Arsimit, e gjen ekipin e Drejtorisë së Përgjithshme të Shërbimeve të Transportit Rrugor në terren, në zhvillimin e klasës edukative "Siguria Rrugore", me Shkollën Publike 9 - vjeçare “Hajdar Dushi”, në qytetin e Durrësit.

Drejtoria e Përgjithshme e Shërbimeve të Transportit Rrugor ju sjell në rikujtesë disa nga masat që duhet të ndërrmerni përgjatë ditëve me mot të acartë:

Rinisën për këtë vit aktivitetet e Sigurisë Rrugore me shkollat "Katund i Ri" në Kashar dhe "Alush Bardhi" në Farkë. 

Fëmijët mësuan rregullat bazë të sigurisë rrugore nga ekipi i specializuar i Drejtorisë së Përgjithshme të Shërbimeve të Transportit Rrugor, e më pas kaluan në cirkuitin e improvizuar për t'u njohur me tabelat kryesore të qarkullimit.

Gjatë vitit 2022 ora edukative e sigurisë organizoli plot 47 evente në 10 qytete me 2,051 fëmijë pjesëmarrës.

Edukimi mbi sigurinë rrugore e trafikun, ka sjellë një shkallë të re ndërgjegjësimi e vetëdijeje mbi rrezikun dhe përgjegjësinë, mbi sjelljen në qarkullim rrugor.

Të nderuar qytetarë!

Në datën 26 Dhjetor, për shkak të pushimit zyrtar, Drejtoria e Përgjithshme e Shërbimeve të Transportit Rrugor  nuk do të ofrojë shërbim në sportele, me përjashtim të Kontrollit Teknik!

Çdo Qendër e Kontrollit Teknik do të ofrojë shërbim në të gjitha qytetet në orarin: 08:00-16:00!

Ju mirëpresim!

Paguani Taksat Online dhe Rezervoni Kontrollin Teknik në: www.e-albania.al

A e dini se 1 nga 3 aksidente rrugore me pasojë vdekjen shkaktohet nga drejtimi i mjetit nën efektin e alkoolit? 

Nëse duhet të udhëtoni pasi keni pirë alkool, tregohuni të përgjegjshëm: mos e ngisni makinën. Merrni një taksi ose kërkojini një miku të ngasë makinën në vendin tuaj. Miq, familjarë a të afërm, mos lejoni dikë që ka pirë alkool të marrë timonin, mos udhëtoni me të si drejtues mjeti, ndalojeni të bëhet rrezik për jetën e vet dhe të të tjerëve. 

Drejtori i Përgjithshëm i Drejtorisë së Përgjithshme të Shërbimeve të Transportit Rrugor, Z. Blendi Gonxhja në një postim në rrjetet sociale ka shprehur nderimin e tij në nënshkrimin e marrëveshjes së bashkëpunimit me Institutin e Sigurisë Rrugore “Panos Mylonas”, në emër të Drejtorisë së Përgjithshme të Shërbimeve  të Transportit Rrugor, me një personalitet si Z.

Një e Hënë intensive me kolegët grekë të Transportit Rrugor, në Takimin e parë  “Sëbashku për Sigurinë Rrugore”, Paneli i parë, me Ambasadoren Greke SH.S. Znj. Konstantina Kamitsi, Zv. Ministrin grek të Transportit, Z. Michalis Papadopoulos, Zv. Ministrin e MIE Z. Hantin Bonati dhe Zv. Kryetaren e Bashkisë Tiranë, Znj. Keti Luarasi, për angazhimin institucional mbi këtë problematikë me rëndësi jetike.

Të motivuar e të përkushtuar për të sjellë një frymë ndryshimi në qasjen ndaj sfidës së kohës për uljen e aksidendeve rrugore dhe rritjen e vetëdijes së përdoruesve të rrugës, Drejtoria e Përgjithshme Shërbimeve të Transportit Rrugor organizon për herë të parë Konferencën shqiptaro-greke “Së bashku për Sigurinë Rrugore” në bashkëpunim me Ambasadën e Greqisë në Shqipëri, me të ftuar specialë përfaqësues të lartë nga institucionet greke të fushës së transportit rrugor dhe të edukimit për trafikun dhe sigurinë rrugore.

Shirat nuk e pengojnë programin tonë edukativ!  U zhvillua ora e sigurisë rrugore me fëmijët e shkollës jo-publike “ELITE”, në Vlorë, me ushtrimet në klasë, në pamundësi të simulimit jashtë. 

Si pedalues, këmbësorë dhe si shofera nesër, duhet që qysh të vegjël të njihemi me rregullat dhe rrezikun e përdorimit të rrugës, me sinjalistikën bazë e me rëndësinë e kujdesit për veten dhe për të tjerët.

️

Rezultatet pozitive nuk bien nga qielli, ato arrihen me punë.

Bashkëpunimi mes Drejtorisë së Përgjithshme të Shërbimeve të Transportit Rrugor dhe Policisë Rrugore, krah për krah me organizatat vullnetare të Edukimit mbi Sigurinë Rrugore e Trafikun, ka sjellë një shkallë të re ndërgjegjësimi e vetëdijeje mbi rrezikun dhe përgjegjësinë, mbi sjelljen në qarkullim rrugor, duke paraprirë panoramën fantastike të rënies së qendrueshme të aksidenteve rrugore.

Krahasuar me një vit më parë, në 9-mujorin e 2022-shit, 29 jetë njerëzish të fituara. 

Drejtoresha e Kabinetit të DPSHTRR-së Znj. Lira Pipa, në një intervistë për RTSH Radio Televizioni Shqiptar, ndër të tjera, përmendi fushatat dhe nismat e ndërmarra nga enti për sensibilizimin ndaj sigurisë në rrugë.

Në Javën Ndërkombëtare të Përkujtimit të Viktimave nga Aksidentet Rrugore, Drejtoria e Përgjithshme e Shërbimeve të Transportit Rrugor në bashkëpunim me Policinë Rrugore, Kryqin e Kuq Shqiptar, Bashkia Tiranë, GBi & Safety Academy dhe Swedish Program: "Strengthening Community Policing in Albania"- SCPA, Task-Forca e Transportit Rrugor, sjellin një sërë aktivitetesh ndërgjegjësuese mbi sigurinë rrugore.

Poligoni i parë publik i testimit praktik për leje drejtimi dhe qendra e parë edukative digjitale e simulimeve virtuale për leje drejtimi, do të ndërtohet në Fushë-Prezë, Tiranë.

Pas blerjes së truallit, alokimit të fondit për investimin dhe projektim e prokurim, tashmë lidhet kontrata për ndërtimin që nis brenda muajit nëntor.

Këndi Edukativ i Sigurisë Rrugore vijon rrugëtimin me orët edukative në mbarë Shqipërinë.

Ndalesa e radhës ka qenë në qytetin e Lushnjës me shkollën "Skënder Libohova" dhe në Krujë me shkollën "Gjergj Kastrioti". 

Qëllimi i këtij programi është të mësojë rregullat bazë të qarkullimit rrugor duke u njohur më nga afër me tabelat dhe sinjalistikat, situatat në trafik me semaforin, kthesat, rrethrrotullimet, vijëzimet për kalimin e këmbësorëve e përparësitë në rrugë.

Edukimi që nis që në vegjëli, na bën qytetarë shumë të përgjegjshëm të së nesërmes.

Nuk ka investim me kthim më të lartë, sesa edukimi e formimi aktiv.

Me nxënësit e shkollës "Numani" nga qyteti i Fierit dhe shkollës “Lef Sallata” nga Vlora, në Këndin e Edukimit mbi Sigurinë Rrugore në ambientet e Shkollës së Mesme Industriale "Pavarësia", Vlorë, ku fëmijët mësojnë mbi rregullat e trafikut rrugor dhe këshillat mbi sigurinë rrugore në hapësirën e posaçme që simulon qarkullimin me sinjalistikat e duhura rrugore. 

Përfshirja që të vegjël, dhe që në bankat e shkollave, rrit vetëdijen e ndërgjegjësimin.

Është në prag përfundimi kompletimi i të gjitha drejtorive rajonale me kompjutera dhe skanera të specializuar, si dhe instalimi i programit kompjuterik CIA nga grupi IT i kompanisë private CETIS nga Sllovenia, në sajë të kontratës së lidhur me këtë kompani për aplikimin, prodhimin dhe personalizimin e kartave të memories të tahografit.

Falë këtij investimi, tani aplikimi dhe miratimi i aplikimeve kryhet në çdo drejtori rajonale dhe po ashtu dërgimi i tyre në kohe reale tek kompania prodhuese. 

Sa problematika rrugore në 60 sekonda filmime me të cilat ndeshemi përditë?!

Kujdes:

• Respektoni semaforin!
• Mos përdorni telefonin gjatë drejtimit të mjetit!
• Respektoni këmbësorët dhe vijat e bardha!
• Respektoni rregullat e përparësisë në rrethrrotullim!

Mobiliteti në habitatin urban ndikon direkt në cilësinë dhe sigurinë e jetës, shpreh nivelin tonë të aftësisë e vetëdijes për bashkëjetesë qytetare bashkëkohore.

Studentët e vitit të tretë të Shkollës Industriale "Pavarësia", dega auto-mekanike, zhvilluan një orë mësimore ndryshe ose në "terren", në kapanonin e Qendrës së Kontrollit Teknik, Vlorë.

Specialistët e Drejtorisë Rajonale të Shërbimeve të Transportit Rrugor Vlorë, demonstruan të gjtha etapat që duhet të kalojë një mjet, për t'u kualifikuar e kaluar testin me sukses. Konstatuan me praktikë problematikat më të shpeshta që hasin në mjetet që realizojnë kontrollin periodik teknik.

Një kronikë e ëmbël realizuar nga  RTSH Radio Televizioni Shqiptar, nga Këndi Edukativ i Sigurisë Rrugore në shkollën "Hasan Vogli”, ku vogëlushët mësuan më shumë mbi rregullat e qarkullimit dhe sinjalistikat kryesore të rrugës.

Për më shumë informacion mbi eventet e sigurisë rrugore, vizitoni: https://www.dpshtrr.al/siguria-rrugore

Në shkollën më të re "Bashkim Fino" në Tiranë, bashkë me ekipin e specializuar, realizuam një orë edukative mbi Sigurinë Rrugore, ku fëmijët pasi mësuan rregullat teorike, kaluan në "aksion", duke praktikuar mënyrat korrekte të vepruarit në rrugë. Kjo realizohet duket improvizuar një mini-qytet me sinjalistikat dhe tabelat kryesore të qarkullimit rrugor. 

Nëse doni të rezervoni një orë edukative për shkollën tuaj, aplikoni në: www.dpshtrr.al/siguria-rrugore 

Edukimi i fëmijëve është çelësi për të ndryshuar botën!

Drejtoria e Përgjithshme e Shërbimeve të Transportit Rrugor u ndal në "Qytetin e Trafikut", projekt i Autoritetit Rrugor Shqiptar, së bashku me 50 fëmijë pjesëmarrës të shkollës "Kristaq Rama", për të mësuar rregullat kryesore të sigurisë rrugore.

Fëmijët mësuan mbi sinjalistikat kryesore, tabelat e qarkullimit rrugor dhe si të qëndrojnë të sigurt teksa ecin në rrugë.

Nuk ka investim me kthim më të lartë, sesa edukimi e formimi aktiv. Me nxënësit e shkollës “Jani Minga” në Këndin e Sigurisë Rrugore, në ambientet e jashtme të shkollës së mesme industriale "Pavarësia", Vlorë, ku edukojmë fëmijët mbi rregullat e trafikut rrugor dhe këshillat mbi sigurinë rrugore në hapësirën e posaçme që simulon qarkullimin me sinjalistikat e duhura rrugore. Përfshirja që të vegjël, dhe që në bankat e shkollave, rrit vetëdijen e ndërgjegjësimin.

Misioni i Drejtorisë së Përgjithshme të Shërbimeve të Transportit Rrugor është të edukojë brezin e ri për rregullat e qarkullimit rrugor.

Të sigurt për në shkollë, të sigurt për në shtëpi  dhe të edukuar si përdorues rruge, janë tre shtyllat bazë të këtij edukimi themelor e me rëndësi për të rritur breza të shëndetshëm. 

T’u inçizojmë fëmijëve rregullat dhe sinjalistikën e qarkullimit rrugor, që ata të jenë të sigurt si këmbësorë, pedalues apo si shoferë të së ardhme.

Këndi i Sigurisë Rrugore nisi me programet edukative për vitin e ri shkollor 2022-2023,  pranë ambienteve të jashtme të shkollës së mesme industriale "Pavarësia", në qytetin e Vlorës, ku  edukojmë dhe informojmë fëmijët mbi rregullat e qarkullimit rrugor dhe këshillat mbi sigurinë rrugore në hapësirën e posaçme që simulon një qytet të vogël me sinjalistikat

Sot fëmijët mësuan si të vendosin kokoren kur pedalojmë apo udhëtojmë me scooter, si të udhëtojnë me autobus dhe si të japim ndihmën e parë. Vizatuan me ngjyra  dhe e shijuan këtë aktivitet të Javës Evropiane të Lëvizshmërisë.

Një biçikletë ,një jelek të verdhë dhe një kaskë për mbrojtje.

Në datat 24-27 shtator, do të zhvillohet edicioni i 35-të i Konkursit Evropian Edukativ për Sigurinë Rrugore në Zadar, Kroaci. 

Duke i uruar të gjithë nxënësve një vit të mbarë shkollor, ju rikujtojmë që së shpejti do takoheni edhe me ekipin e Këndit Edukativ për Sigurinë Rrugore

Jemi krenarë dhe të përkushtuar për të vijuar me këtë projekt, në bashkëpunim me Ministrinë e Arsimit dhe Sporteve, bashkitë, policinë, Kryqin e Kuq, shkollat, komunitetet, etj., duke sensibilizuar për mobilitetin urban, sigurinë rrugore, njohuritë mbi trafikun dhe lëvizjen. 

Përfshirja që të vegjël dhe në bankat e shkollave rrit vetëdijen e ndërgjegjësimin. Suksese!