Siguria Rrugore

Siguria Rrugore është përgjegjësi e përbashkët për të gjithë ne! 

Zhvilluam sot orën edukative pranë Këndit Statik të Sigurisë Rrugore me nxënësit e shkollës “15 Tetori" në qytetin e Vlorës, për të përmirësuar konceptet bazë të sjelljes në rrugë.

Për më shumë informacione rreth programit, ose për të rezervuar orën edukative pranë shkollës suaj vizitoni: 

Numri i flotës së mjeteve aktive vijon të ndjeki trend rritës dhe të pasurohet me mjete të gjeneratës së fundit më pak ndotëse!

 Janar 2024 numëroi 6,660 mjete të regjistruara për herë të parë:

 +72% më shumë krahasuar me Janar 2019.

 85% e totalit të tyre e përbëjnë autoveturat.

Po ju i njihni tabelat e sinjalistikës rrugore si vogëlushët e shkollës "Foto Puka"? 

Në bashkëpunim me Kryqin e Kuq Shqiptar i cili është gjithmonë pranë nesh për t'u kujdesur që fëmijët të marrin njohurinë e duhur mbi ndihmën e parë! 

Në Këndin Statik të Sigurisë Rrugore në qytetin e Vlorës!

Me pasion e përkushtim ndamë këshilla edukative, me fëmijët e shkollës 9-vjeçare "Musa Çakërri" dhe “Katër Heronjtë” mbi rëndësinë e sigurisë në rrugë!

Nuk mund të mungonin dhe ekipi trajnues i Kryqit të Kuq Shqiptar për të mësuar mbi mënyrat e dhënies së Ndihmës së Parë.

Për më tepër informacione ose për të rezervuar orën tuaj edukative klikoni në: siguriarrugore.dpshtrr.al

Në Ditën Ndërkombëtare të Arsimit, një ditë e cila përforcon rolin, rëndësinë dhe përgjegjësinë e institucioneve të arsimit në edukimin dhe zhvillimin edukativ, DPSHTRR organizoi një event i cili thekson rëndësinë e edukimit mbi trafikun që në moshë të vogël!

Policia e Shtetit, Tumo Tirana, GBi Health & Safety Academy, Qendra Marrëdhënie, Active Mobility, Dy Rrotakët dhe Kryqi i Kuq Shqiptar, gjithashtu asistuan përmes programeve të tyre aktivitete zbavitëse për vogëlushët tanë.

Vogëlushët janë ata që i gëzojnë më shumë festat e fundvitit!

Babagjyshët e vegjël na përshëndesin me kartolinat e tyre të urimit nga DRSHTRR Fier!

Bravo ekipit për atmosferën e krijuar!

Keni blerë një mjet dhe ende nuk e keni kaluar në pronësinë tuaj duke u pajisur me leje të re qarkullimi? E dini që neglizhenca paguhet shtrenjtë?! Për çdo ditë vonese mbi 30 ditë nga momenti i shitblerjes, ju ngarkoheni me gjobë si më poshtë:

Orë të tëra të humbura në trafik?! Ajër i ndotur në rrugë e kryqëzime?!

E keni menduar ndonjëherë që e gjithë kjo panoramë mund të kishte qenë ndryshe nëse secili prej nesh do të reflektonte se si vendimet që marrim në përditshmëri ndikojnë në mjedisin që na rrethon?

Pjesa më e madhe e shkarkimit të gazrave të dëmshëm kryhet nga mjetet private dhe mënyra më e mirë për t’i reduktuar ato është përdorimi në masë të gjerë i transportit publik.

Duke reduktuar me 10 km/orë shpejtësinë e mjetit tuaj, pa kuptuar, ju po reduktoni faturën e karburantit tuaj me më shumë se 60 Eur në vit. Shpejtësia e ulët e mjetit brenda normave të lejuara, rrit cilësinë e jetesës shoqëruar me një rritje në aktivitetin ekonomik.

Në kuadër të Javës Evropiane të Lëvizshmërisë, tema e të cilës këtë vit është mbi mënyrat e kursimit të energjisë, ndajmë me ju opsionet e mënyrat e reja të transportit të cilat nuk dëmtojnë mjedisin.

DPSHTRR së bashku me Bashkinë Shkodër organizuan një ditë dedikuar plotësisht femijëve, në Javën Evropiane të Lëvizshmërisë!

Në qytetin e biçikletave, fëmijët pjesëmarrës mësuan rregullat e arta të sigurisë rrugore përmes argëtimit!

Të bashkuar dhurojmë civilizim dhe shumë dashuri për të gjithë fëmijët!

Të gjithë ata që konsiderohen kontigjent shkelësish të rëndë të rregullave të qarkullimit, përsëritës në sjellje që rrezikojnë ata vetë dhe të tjerët në rrugë, pas heqjes së pikëve të patentës, me aktet e reja në fuqi prej një viti tashmë, për të rifituar të drejtën e drejtimit të mjetit, duhet të regjistrohen nga e para në autoshkollë e t’i ri-nënshtrohen testit teori-praktikë!

Në bashkëpunim me Bashkinë Shkodër organizojmë në kuadër të Javës Evropiane të Lëvizshmërisë dhe Ditës Evropiane pa Makina, Këndin Edukativ të Sigurisë Rrugore.

Bashkohuni me ne, këtë të premte tek Sheshi Nënë Tereza – Sheshi Demokracia, Shkodër.

Lojëra, Arts&Crafts, Edukim Simultativ!

Keni menduar ndonjëherë të ndani mjetin me kolegun për të shkuar në punë apo me mikun tuaj në udhëtimin e radhës? Po sikur të alternoheni me transportin publik për të shkuar në një distancë të afërt?

Në kuadër të javës Evropiane të Lëvizshmërisë, tema e së cilës këtë vit është mbi format e kursimit të energjisë, ndajmë me ju opsionet e mënyrat e reja të transportit të cilat nuk dëmtojnë mjedisin.

Statistikat mbi testimin e mjeteve në Kontrollin Teknik për periudhën Janar-Korrik 2023, vijojnë me  rëndësinë e duhur kushtuar sigurisë rrugore.

Mjetet mbi 22 vjeçare janë çregjistruar përgjithmonë, konkretisht 3,376 mjete. 

 Janë paraqitur për testim 121,478 mjete, nga të cilat:

- Automjete (4+1/8+1) 78.4%

- Kamion 12.2%

- Motomjete 4.4%

- Autobusë 2.4%

- Rimorkio 2.1%

- Mjete ndërtimi/punime toke 0.5%

 Bashkohuni me nismën e Drejtorisë së Përgjithshme të Shërbimeve të Transportit Rrugor mbi  promovimin e  sigurinë rrugore dhe për të nxitur moskonsumimin e alkoolit gjatë drejtimit të mjetit.  Bashkëpunojmë për të ndryshuar sjelljet dhe për të krijuar vetëdije për rrezikun e alkoolit në timon.

 Për sigurinë tonë dhe të të tjerëve, ndryshoje mendjen dhe zgjidh jetën! 

Statistikat e aksidenteve flasin për ulje të qendrueshme, ndonëse flota vendase rritet në numër dhe përdoruesit e rrugës veçse shtohen, përfshirë dhe fluksin turistik e tranzitet.

Gjatë periudhës Janar-Qershor 2023 janë:

528 aksidente rrugore, 34% më pak krahasuar me 2018. 

40% më pak aksidente rrugore nga drejtuesit e mjeteve nën 25 vjeç, çka flet pozitivisht për të sapopatentuarit, krahasuar me të njëjtën periudhë të vitit 2018.

27% e totalit të aksidenteve Janar-Qershor 2023, janë shkaktuar nga grupmosha 25-34 vjeç, 36% më pak se në vitin 2018.

Edukata mbi trafikun që rrit Sigurinë Rrugore është një detyrë e të gjithëve.  Duke qenë se fëmijët janë thelbi i të ardhmes sonë, përkushtimi për formimin e tyre mbi lëvizshmërinë e sigurt është për ne një mision i domosdoshëm, por njëkohësisht dhe investimi ideal për efektivitet.

Super këndshëm!

Fëmijë të mrekullueshëm së bashku me prindërit u bashkuan për një aventurë të sigurt në eventin e organizuar nga DPSHTRR dhe COD - Center For Openness And Dialogue.

Kinemaja e Sigurisë Rrugore shfaqi një film edukativ, të sjellë nga ACA, duke treguar rëndësinë e rregullave të qarkullimit rrugor. Fëmijët shijuan çdo moment të kësaj përvoje të bukur, duke mësuar gjithnjë e më shumë për sigurinë rrugore.

Në vazhdën e bashkëpunimit të frytshëm midis Drejtorisë së Përgjithshme të Shërbimeve të Transportit Rrugor dhe Ministrisë së Arsimit dhe Sportit për orët edukative dhe aftësimin e nxënësve për sigurinë rrugore, u nënshkrua marrëveshja historike për hartimin dhe zbatimin e unifikuar të kurrikulës së edukimit për sigurinë rrugore në të gjithë arsimin parauniversitar! 

Me qëllimin e përbashkët për të promovuar fuqimisht edukimin rrugor përmes njohurive dhe materialeve të certifikuara sipas standarteve ndërkombëtare, nënshkruam marrëveshjen e përbashkët për hartimin dhe zbatimin e unifikuar të kurrikulës së re të Edukimit për Sigurinë Rrugore në arsimin parauniversitar u nënshkrua marrëveshja e bashkëpunimit midis Drejtorisë së Përgjithshme të Shërbimit të Transportit Rrugor dhe Ministrisë së Arsimit dhe Sportit. Prej vitit 2019 kemi organizuar 142 evente në 25 qytete me rreth 7,976 fëmijë pjesëmarrës e ndërsa falë kësaj marrëveshjeje ky bashkëpunim do të

Të drejtosh një mjet është përgjegjësi shumë e madhe, për veten dhe të tjerët, po aq sa është e rëndësishme sjellja korrekte e pasagjerit, e këmbësorit dhe e pedaluesit në rrugë.

 Statistikat për periudhën Janar-Mars 2023 flasin qartë për ulje të aksidenteve rrugore krahasuar me të njëjtën periudhë të vitit 2018, vihet re një ulje minimale e fataliteteve, si edhe një rritje e aksidenteve shkaktuar nga sjellja e gabuar e këmbësorëve. 

263 aksidente rrugore janë gjatë periudhës Janar-Mars 2023, 29% më pak krahasuar me vitin 2018.

Qytet më qytet dhe shkollë më shkollë për të mësuar duke u argëtuar!

Këndi i Sigurisë Rrugore u ndal në shkollat "Koto Hoxhi" në Gjirokastër dhe "Meleq Gosnishti" në Përmet për të zhvilluar aktivitetin kaq të dashur për të gjithë fëmijët.

Si pedalues, si këmbësorë por mbi të gjitha si shofera të së nesërmes, duhet që të vegjël të njihemi me rregullat dhe rrezikun e përdorimit të rrugës, me sinjalistikën bazë e me rëndësinë e kujdesit për veten dhe tjetrin!

Shifra POZITIVE nga Raporti i Aksidenteve Rrugore për Janar-Shkurt 2023 dhe indekset krahasuese:

Në qendër të vëmendjes kemi investimin më të rëndësishëm për rrugë të sigurta dhe breza të përgjegjshëm - edukimin që herët për formimin e nocioneve të sjelljes korrekte në lëvizshmëri dhe kulturën e trafikut!

Siguria rrugore është një sfidë e jashtëzakonshme që kërkon ngulitjen me themel të edukatës qytetare si përdorues rruge dhe konsumator transporti!

 Dikur një tabu, stres, sot një zgjidhje e suksesshme dhe praktike.

Certifikimi i errësimit të xhamave me materiale të homologuara nga DPSHTRR, një shërbim transparent për qytetarët e serviset, që s’le vend për abuzime. Vetëm gjatë vitit 2022, janë realizuar 75,361 certifikime e miratime të errësimit të xhamave.

Përfitimet nga errësimi i xhamave:

Qytet më qytet, e shkollë më shkollë për të folur mbi rëndësinë e zbatimit të sinjalistikës rrugore

U ndalëm në shkollën "Pashko Vasa" në qytetin e Mirditës, ku fëmijët aq të sjellshëm dhe të edukuar u njohën me rregullat e qarkullimit rrugor, sinjalistikat nëpërmjet cirkuitit të ndërtuar për ta, duke u argëtuar e duke mësuar në mënyrë aktive!

Ndërgjegjësim sot për të ardhme të sigurt nesër!

Dita Ndërkombëtare e Arsimit, e gjen ekipin e Drejtorisë së Përgjithshme të Shërbimeve të Transportit Rrugor në terren, në zhvillimin e klasës edukative "Siguria Rrugore", me Shkollën Publike 9 - vjeçare “Hajdar Dushi”, në qytetin e Durrësit.

Drejtoria e Përgjithshme e Shërbimeve të Transportit Rrugor ju sjell në rikujtesë disa nga masat që duhet të ndërrmerni përgjatë ditëve me mot të acartë:

Rinisën për këtë vit aktivitetet e Sigurisë Rrugore me shkollat "Katund i Ri" në Kashar dhe "Alush Bardhi" në Farkë. 

Fëmijët mësuan rregullat bazë të sigurisë rrugore nga ekipi i specializuar i Drejtorisë së Përgjithshme të Shërbimeve të Transportit Rrugor, e më pas kaluan në cirkuitin e improvizuar për t'u njohur me tabelat kryesore të qarkullimit.

Gjatë vitit 2022 ora edukative e sigurisë organizoli plot 47 evente në 10 qytete me 2,051 fëmijë pjesëmarrës.

Edukimi mbi sigurinë rrugore e trafikun, ka sjellë një shkallë të re ndërgjegjësimi e vetëdijeje mbi rrezikun dhe përgjegjësinë, mbi sjelljen në qarkullim rrugor.